RSS

Jamita ni Sintua

17 Mei

Jamita ni Sintua Na Jempek

Di taon tolu puluan, marminggu ma manang na piga halak guru-guru sian Sibolga tu sada huria na jonok tusi. Mardalan pat do nasida, jala na ingkon turun nangkok do tu inganan i.

Sada sintua do toho marjamita di huria na tinopot nasidi i. Dung dijaha sintua i turpuk ni jamita tu ari Minggu i, didok ma muse: “Hamu angka amanami, inanami, angka naposo bulung nang angka dakdanak sude, ro di sude hita na pungu di son, na masihaholongan di bagas Goar ni Tuhanta. Nang pe sude tarugi manjadi mata pena, sude aek manjadi tinta, jala sude bulung-bulung manjadi harotas, tung so sae do i dibahen panuratan ni dosa na taulahon ganup ari. Amen.” Holan i ma didok sintua i, laos hundul ma tu inganana.

Longang be do angka parminggu i, marsiberengan, tarlobi angka dongan guru-guru na ro sian Sibolga nangkin.

Dung haruar parminggu marungut-ungut be ma sude mandok: “Ai jamita aha do i, ia da hita loja tuson.”

Pahusor-husor Jamita ni Sintua

Dung leleng nasida mardalan manganangkohi dolok i laho mulak tu Sibolga, maradian ma nasida humosa. Di na hunduli nasida, ro masa sahalak mandok: “Olo pe da, sai tu jamita nangkin do laho rohangku. Molo lam bagas piningkiran, tung mansai toho jamita i, ai holan dosa do tutu niula ganup ari. Songon nidok ni Ende:

Aut alusangku Debatangku, ra tung maila ahu isi,
Marningot salpu ni rohangku, ro di sude ulaonki.
Ai dosa do binahen ni tangan, gok dosa nang rohangku pe.
Nang pat nang mata nang pamangan, luhut marsala do hape.

“Asa tung na toho situtu do jamita ni sintua i,” ninna.

Na gabe bahan pembicaraan ma jamita i di nasida na sarombongan. Sai dipahurusor-husor nasida be ma hata i, gabe sude ma nasida mandok: “Toho do jamita ni Amanta Sintua i.”

Sada sihamauliatehononhon jala sihalashononhon do cara ni angka guru-guru nangki na olo pahusor-husor jamita na binege nasida, walau pe di mulana i maralo to rohana be.

Anggiat ma na gabe situruon pangalaho on tu hita hita be. Apala tingki on jotjot tarjadi, molo dung sae sian parmingguan, pintor asing nama dipingkiri na deba. Tung so adong be parhatian tu jamita na binege nangkin.

Sumber:
Sipahusor-Husoron ni Roha, T.M. Hutabarat; http://www.putra-putri-indonesia.com/jamita-ni-sintua.html


 
Tinggalkan komentar

Ditulis oleh pada 17 Mei 2012 in Artikel Kristen, Renungan

 

Wajib tinggalkan balasan disini:

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s